Вітаем шчодрую Масленіцу

У канцы лютага ў Трабскай  бібліятэцы адбылося чарговае пасяджэнне аматарскага аб’яднання “Бяседа”, прысвечанае аднаму з самых любімых народных святаў – Масленіцы.

Падчас фальклорных пасядзелак “Вітаем шчодрую Масленіцу” бібліятэкар зрабіла невялікі экскурс у гісторыю свята, пазнаёміла прысутных з літаратурай, прадстаўленай на тэматычнай выставе “Блинная неделька”. Удзельнікі пасяджэння даведаліся, у чым асаблівасці святкавання Масленіцы на Беларусі, пра значэнне галоўнага масленічнага пачастунка – бліноў. Кожная з удзельніц падзялілася сваім лепшым рэцэптам прыгатавання бліноў і прапанавала ацаніць іх смак.

Завяршылася мерапрыемства частаваннем блінцамі. А якіх іх толькі не было: і з карыцай, і з яблыкамі, і са згушчонкай, і з тварагом…Усе вельмі прыгожыя і надзвычай смачныя. 

Знаёміцца з традыцыямі, абрадамі і звычаямі беларускага краю – гэта пазнавальна, карысна і вельмі цікава.