Рукапісныя сведчанні вайны. Лісты з фронту

Падчас экскурсу ў мінулае “Рукапісныя сведчанні вайны. Лісты з фронту” бібліятэкар расказала дзецям пра асноўныя падзеі Вялікай Айчыннай вайны, пра землякоў-ветэранаў, якія абаранялі Айчыну ад ворага, пазнаёміла з дакументамі ваеннага перыяду, прадстаўленымі ў краязнаўчай музейнай экспазіцыі “Тут Радзімы маёй пачатак”. Вялікую цікавасць у ўдзельнікаў пасяджэння выклікалі сціплыя салдацкія трохвугольнікі – лісты з фронту нашых землякоў. У іх – вялікая туга і клопат пра родных, франтавыя будні, прага жыцця, моцнае жаданне хутчэй разбіць ворага і вярнуцца дадому. Гэта сапраўдныя рукапісныя сведчанні вайны.