Рус
- Адрес райисполкома:
- 231337, Гродненская обл.,
- г. Ивье, пл. Комсомольская, 1
- Электронная почта:
- rik@ivje.gov.by
- Телефон: (8-01595) 6-79-55
- Факс: (8-01595) 6-79-11
07.12.2021
“Нязгаснаю зоркай ты ў небе Радзімы навекі”
9 снежня 1891 года нарадзіўся Максім Багдановіч – класік беларускай літаратуры, публіцыст, перакладчык, літаратуразнавец, зорка беларускай паэзіі.
130-годдзю з дня нараджэння пісьменніка было прысвечана чарговае пасяджэнне аматарскага аб’яднання “Іўеўчанка” ў Іўеўскай раённай бібліятэцы – літаратурна-музычны салон пад назвай “Нязгаснаю зоркай ты ў небе Радзімы навекі”. Удзел у мерапрыемстве прымаў таксама старшыня Іўеўскай раённай ветэранскай арганізацыі Іван Станіслававіч Жыдзель.
Бібліятэкары пазнаёмілі прысутных з асноўнымі этапамі жыцця і творчасці М. Багдановіча, з кнігамі, прадстаўленымі на выставе “Максім Багдановіч. Пясняр чыстае красы”.
Падчас сустрэчы вялася размова аб тым, што Максім Багдановіч – гонар і слава беларускай і сусветнай літаратуры, адзін з самых знакамітых і любімых паэтаў. З замілаваннем госці слухалі і самі чыталі вядомыя ўсім нам з дзяцінства вершы М. Багдановіча, якія зачароўваюць сваёй напеўнасцю і мілагучнасцю, шчырымі і хвалюючымі пачуццямі.
Чырвонай ніткай праз усё мерапрыемства прайшлі дзіўныя мелодыі песень на вершы М. Багдановіча. Прысутныя слухалі ў запісу і спявалі такія цудоўныя песні, як: “Зорка Венера”, “Вераніка”, “Слуцкія ткачыхі”, “Па-над белым пухам вішняў” і і іншыя.
