Рус
- Адрес райисполкома:
- 231337, Гродненская обл.,
- г. Ивье, пл. Комсомольская, 1
- Электронная почта:
- rik@ivje.gov.by
- Телефон: (8-01595) 6-79-55
- Факс: (8-01595) 6-79-11
13.07.2021
Купальскі карагод над Нёманам. Як у в. Мікалаева папараць-кветку шукалі
На беразе бацькі-Нёмана — старажытныя вогнішчы, старадаўняя музыка, дзяўчаты, хлопцы ў нацыянальных касцюмах і ўсеагульнае ажыўленне. Так здарылася, што шукаць кветку папараць будзем мы сёння, 10 ліпеня. І менавіта ў Мікалаеве, дзе культработнікі сектара культурна-масавай і асветніцкай работы аграгарадка Лелюкі ладзяць Купальскі карагод.
Тэатралізаванае прадстаўленне нікога не пакідае абыякавым, як бы вяртае нас у далёкія- далёкія, яшчэ дахрысціянскія часы і адначасова напамінае, што 7 ліпеня па праваслаўнаму календары адзначаецца адно з найвялікшых свят - дзень нараджэння Іаана Прадцечы, Хрысціцеля Божага.
Свята Купалле заняло вялікае месца ў жыцці беларускага народа. Яно з’яўляецца самым непаўторным сярод святаў каляндарнага цыклу і адзначаецца на працягу тыдня.
Старыя людзі казалі, што амаль да адзінаццатага ліпеня можна святкаваць Купальскія забавы! Вось вядучыя свята і прапанавалі не марудзіць час дарма, а святкаваць.
Тэатралізаванае прадстаўленне; канцэртная праграма калектываў аматарскай творчасці Іўеўскага цэнтра культуры і вольнага часу; гульнёвая праграма; купальскія варожбы, забавы, танцы побыту.
Шмат цікавагна і вясёлага можна пабачыць сёння ў Мікалаеве. На свяце працуюць: выстаўка-конкурс купальскіх вянкоў; лекавых раслін, бяспройгрышная латарэя, антракцыёны, танцавальная пляцоўка, гандлёвая палатка з папкорнам і салодкай ватай.
І вось ужо ўдзельнікі свята бяруцца за рукі і крочаць да галоўнага купальскага вогнішча, каб дым і іскры яго надалі сіл, моцы на цэлы год.
Прадоўжылася свята ў сектары культурна-масавай і асветніцкай работы аграгарадка Лелюкі.
