Гадзіна роднай мовы “Беларуская скарбонка” (у межах праекта “Беларускі чацвер”)

Адчыніце дзверы, людцы,

Адусюль хай далятае:

Словы родныя куюцца…

Кросны родныя снуюцца…

Песні родныя пяюцца…

Мова,

Мова

Нас вітае.

“Роднай мовы пералівы” – так называлася гадзіна роднай мовы, якую правялі супрацоўнікі Іўеўская дзіцячай бібліятэкі для вучняў ДУА “ВПК Іўеўскі яслі-сад - пачатковая школа”.

Падарожнічаць заўсёды цікава і весела, асабліва калі гэта падарожжа па прыгожай краіне роднай мовы разам з Моваведкай. Адчуць сябе прадстаўнікамі свайго народа вучням дапамаглі вершы, загадкі, казкі, жарты на роднай мове. З вялікім задавальненнем яны ўзгадвалі прыказкі і прымаўкі, цікавыя факты з беларускай мовы. І, безумоўна, пагулялі ў народныя беларускія гульні, станчылі вясёлы танец “Бульба”.

Атрымалася сапраўднае свята беларускага слова, якое натхняе, ад якога адчуваеш цяпло роднай зямлі, роднай хаты. Няхай гучаць беларускія словы з вуснаў нашых дзяцей!