Бел
- Адрас райвыканкама:
- 231337, Гродзенская вобл.,
- г. Іўе, пл. Камсамольская, 1
- Электронная пошта:
- rik@ivje.gov.by
- Тэлефон: (8-01595) 6-79-55
- Факс: (8-01595) 6-79-11
27.06.2023
Зямля з блакітнымі вачамі
Чэрвеньскае пасяджэнне дзіцячага аматарскага аб’яднання “PRO-книги” ў Іўеўскай раённай бібліятэцы адбылося ў межах агульнаадукацыйнага абласнога праекта “Аб чым не паведаміў падручнік”.
Дзеці з задавальненнем прынялі ўдзел у гульні-знаёмстве “Зямля з блакітнымі вачамі”, прысвечанай 110-годдзю з дня нараджэння беларускай паэтэсы Эдзі Агняцвет і юбілейным датам з часу выхаду ў свет казак “Вавёрчына гора” В.Віткі (75 гадоў) і А.Васілевіч “Калінавая рукавічка” (60 гадоў).
Бібліятэкар пазнаёміла дзяцей з біяграфіяй і творчасцю Эдзі Агняцвет, якую называюць беларускай Агніяй Барто: сваімі вершамі Э.Агняцвет стварыла цэлы сусвет беларускай дзіцячай паэзіі. Удзельнікі чыталі вершы: “Зямля з блакітнымі вачамі”, “Жаўранкі”, “Маме” і іншыя. А жартоўны верш “Параска і падказка” цудоўна праінсцэніравалі.
Падчас пасяджэння дзеці таксама даведаліся пра гісторыю стварэння казак В.Віткі “Вавёрчына гора” і А.Васілевіч “Калінавая рукавічка”, чыталі ўслых і абмяркоўвалі гэтыя творы, адказвалі на пытанні літаратурнай віктарыны.
