Жывая размова “Я здароўе зберагу – сам сабе дапамагу”

19 ліпеня, пасля невялікага перапынку, на жывую размову “Я здароўе зберагу – сам сабе дапамагу” сабраліся ўдзельнікі аматарскага абяднання “Бяседа”, якое дзейнічае пры бібліятэцы-філіяле аг.Трабы. 

Прысутныя паразмаўлялі пра здароўе, спосабы яго захавання, неабходнасць станоўчага эмацыянальнага настрою; пра лекавыя расліны, прынялі ўдзел ў віктарынах, падрыхтаваных адной з самых актыўных удзельніц Горбач Тамарай Міхайлаўнай. Да мерапрыемства была падрыхтавана тэматычная полка “Для тых, хто жадае быць здаровым”. 

Падчас сустрэчы жанчыны закранулі і тэму кветкавай тэрапіі. Кветкі могуць аказваць станоўчае ўздзеянне на арганізм і маральны стан чалавека, дапамагаюць пазбавіцца ад стрэсаў і дэпрэсій. Бібліятэкар засяродзіла ўвагу членаў аб'яднання на царыцы кветак – ружы. Пазнаёміла з асаблівасцямі ружы, яе тэрапеўтычнымі і лекавымі ўласцівасцямі, легендамі пра ружы і кнігамі, у якіх выкарыстоўваюцца вобразы кветкі. Прагучалі вершы паэтаў, прысвечаныя ружы.