Бел
- Адрас райвыканкама:
- 231337, Гродзенская вобл.,
- г. Іўе, пл. Камсамольская, 1
- Электронная пошта:
- rik@ivje.gov.by
- Тэлефон: (8-01595) 6-79-55
- Факс: (8-01595) 6-79-11
23.02.2021
Гімн роднай мове
Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай.
21 лютага ва ўсім свеце адзначаецца Міжнародны дзень роднай мовы. Гэта яшчэ адна нагода задумацца аб лёсе роднай мовы і беларусам. Нам у спадчыну засталася ўнікальная мова – жывая і мілагучная, песенная і паэтычная, старажытная і сучасная.
Да Міжнароднага дня роднай мовы ў бібліятэцы-філіяле аг. Геранёны прайшоў урок “Гімн роднай мове”. Падчас мерапрыемства дзеці перакладалі словы з рускай мовы на беларускую і наадварот, адгадвалі загадкі, успаміналі беларускія прыказкі і прымаўкі. Хлопчыкі і дзяўчынкі з задавальненнем пазнаёміліся са старэйшым беларускамоўным часопісам “Вясёлка”.
У гэты дзень кожнаму наведвальніку была прапанавана кніга на беларускай мове.
