Настройки
Настройки шрифта
Arial
Times New Roman
Размер шрифта
A
A
A
Межбуквенное расстояние
Стандартное
Увеличенное
Большое
Цветовая схема
Черным
по белому
Белым
по черному
Ивьевский районный исполнительный комитет
Главная / Новости / Новости района
18.11.2022

VIII епархіяльныя Калядныя чытанні

Напярэдадні зімовых свят на Лідчыне традыцыйна азначаецца правядзеннем вялікага грамадска-царкоўнага форуму – епархіяльных калядных чытанняў. Сёлета яны праходзяць ужо восьмы раз.  У рамках мерапрыемства працуюць секцыі па тэматычных напрамках. 17 лістапада адбылася секцыя “Дзейнасць свецкіх і царкоўна-прыходскіх бібліятэк у праваслаўных традыцыях”. Пляцоўкай для яе быў абраны Лідскі каледж ГрДУ ім. Янкі Купалы, а кола ўдзельнікаў упершыню пашырана ад бібліятэкараў да педагогаў, медыкаў, работнікаў сферы культуры Лідскага і бліжэйшых рэгіёнаў. Галоўная мэта семінара – абмеркаваць глабальныя праблемы нашага часу і духоўны выбар сучаснага чалавека ў імкненні прыносіць карысць роднаму краю. Супрацоўнікі Іўеўскай раённай бібліятэкі і іерэй Іаан Рэзановіч (настаяцель храма Покрыва Прасвятой Багародзіцы в. Нікалаева) таксама прынялі ўдзел у гэтым семінары. Адкрылі працу секцыі сакратар Лідскай епархіі, протаіерэй Максім Цыгель, і галоўны спецыяліст аддзела ідэалагічнай працы і па справах моладзі Лідскага райвыканкама Галіна Ганчар.  Запрошаным госцем секцыі стаў лаўрэат прэміі Прэзідэнта Рэспублікі Беларусь “За духоўнае адраджэнне”, настаяцель храма іконы Божай Маці “Усецарыца” ў г. Мінску, старшыня Сінадальнага аддзела па царкоўнай дабрачыннасці і сацыяльным служэнні Беларускай праваслаўнай царквы протаіерэй Кірыл Шоўкаў. Гасцям быў прадстаўлены фільм аб будаўніцтве храма іконы Божай Маці “Усецарыца”. Удзельнікі сустрэчы даведаліся таксама аб дзейнасці парафіі і сацыяльных праектах, рэалізацыяй якіх займаецца Сінадальны аддзел па царкоўнай дабрачыннасці і сацыяльным служэнні. Самы маштабны з іх – гэта праект “Дарогай міласэрнасці – дапамога хоспісам Беларусі”. Затым прысутныя з цікавасцю праслухалі даклад айца Кірыла, які расказаў пра сацыяльныя выклікі нашага часу і пра добраахвотніцкі рух дапамогі анкапацыентам у Беларускім Экзархаце.