Родная мова – цудоўная мова

Я - беларус, і я шчаслівы,  Што маці мову мне дала,  Што родных песень пералівы І зблізку чую, і здаля.  Н. Гілевіч Штогод 21 лютага ва ўсім свеце адзначаецца Міжнародны дзень роднай мовы. З гэтай нагоды ў бібліятэцы-філіяле аг. Геранёны прайшла квэст-гульня “Родная мова – цудоўная мова”.   Падчас мерапрыемства дзеці размаўлялі на роднай мове і выконвалі заданні: “Адгадай загадку”, “Складзі прыказку”, “Перакладчыкі”, “Анаграмы” і “Таемнае пасланне”.  Гэта творчае спаборніцтва яшчэ раз нагадала, што жывая і мілагучная беларуская мова – наш галоўны нацыянальны скарб, які мы павінны добра ведаць, шанаваць і перадаваць нашчадкам.