“Панямоння жыватворныя крыніцы”

19 чэрвеня 2021 года ў  Навагрудскім раённым цэнтры культуры і народнай творчасці адбыўся занальны агляд-конкурс абласнога фестывалю  рэгіянальнага фальклору “Панямоння жыватворныя крыніцы”.  У аглядзе прыняў  ўдзел ансамбль народнай музыкі “Вечарынка” аддзела культурна-масавай і асветніцкай работы аграгарадка Геранёны ДУК “Іўеўскі цэнтр культуры і вольнага часу”. Удзельнікі ансамбля, пад кіраўніцтвам Валянціны Дайлідка, прадставілі канцэртную праграму “З бабулінага куфэрка”. Праграма складалася з беларускіх народных песень, беларускай полькі,  танцавальнага найгрышу “Лысы з Туланкі”, змястоўных пажаданняў. Прысутныя і члены журы з задавальненнем слухалі народную музыку і песні. У занальным аглядзе-конкурсе абласнога фестывалю рэгіянальнага фальклору, акрамя Іўеўскага, прынялі удзел калектывы з Навагрудскага, Карэліцкага, Дзятлаўскага раёнаў. Чакаем добрых вынікаў і запрашэння на абласны фестываль.