Іўеўскі раённы выканаўчы камітэт

Бел

Адрас райвыканкама:
231337, Гродзенская вобл.,
г. Іўе, пл. Камсамольская, 1
Электронная пошта:
rik@ivje.gov.by
Тэлефон: (8-01595) 6-79-55
Факс: (8-01595) 6-79-11

Гродзенскі аблвыканкам

Гродзенскі аблвыканкам

Рус

Бел

карта сайта
- Адрас райвыканкама:
- 231337, Гродзенская вобл.,
- г. Іўе, пл. Камсамольская, 1
- Электронная пошта:
- rik@ivje.gov.by
- Тэлефон: (8-01595) 6-79-55
- Факс: (8-01595) 6-79-11

Галоўная / Навiны / Навiны раёна

29.01.2024

У Іўі адбыўся дваццаць першы фестываль калядных спеваў "Gloria in excelsis Deo"

У дваццаць першы раз парафія святых апосталаў Пятра і Паўла ў Іўі ладзіць традыцыйны фестываль калядных спеваў. Прайшоўшы шлях ад сціплага парафіяльнага свята да сталага фестывалю, мерапрыемства штогод збірае ўдзельнікаў рознага ўзросту, якія выконваюць калядныя песні, чытаюць вершы, танчаць і ставяць калядныя сцэнкі.

За час існавання фестывалю ў ім бралі ўдзел выканаўцы не толькі з іўеўшчыны, але з іншых парафій Беларусі і замежжа. У якасці ганаровых гасцей на фестывалі прысутнічалі каталіцкія іерархі Беларусі, прадстаўнікі дыпламатычнага корпусу і мясцовай ўлады, з якімі ў цеснай супольнай працы штогод нараджаецца прыгожы фестываль.

Традыцыйна распачаўся фестывальны дзень святой імшой, і прадоўжыўся святочнай сустрэчай у Іўеўскім цэнтры культуры і вольнага часу. "Слава ў вышніх Богу" - гэта гімн і сэнс сямейнага свята. І не толькі каталіцкага: тут з радаснай усмешкай сустракаюць кожнага, чыё сэрца адчынена Богу і творчасці.

Фестываль такі дарослы, што некаторыя з удзельнікаў сёння - дзеці самых першых канкурсантаў. Гэта ўражвае і дае надзею на доўгае жыццё духоўнага свята.

Падзяліліся сваім талентам не толькі католікі з парафій Іўеўскага раёна. На дваццаць першы фестываль завіталі таксама госці з Мінска і Шчучына.