Официальный сайт -
победитель XVI конкурса
ИНТЕРНЕТ - ПРЕМИЯ ТИБО-2018
Адрес райисполкома:
231337, Гродненская обл.,
г. Ивье, пл. Комсомольская, 1
Электронная почта:
rik@ivje.gov.by
Телефон: (8-01595) 2-17-46
Факс: (8-01595) 2-12-89

13 июня 2018

Лепшыя краязнаўцы ў рэспубліцы

З 19 сакавіка па 17 мая бягучага года каманда навучэнцаў Лелюкінскага дзіцячага сада-сярэдняй школы "Спадчына" прымала ўдзел у інтэрнэт-праекце "Легенды і паданні зямлі пад белымі крыламі".

Арганізатарамі і партнёрамі праекта выступілі: дзяржаўная ўстанова адукацыі "Гімназія №1 г. Дзятлава" і дзяржаўная ўстанова адукацыі "Акадэмія паслядыпломнай адукацыі" (г. Мінск). Рэалізацыя праекта праходзіла ў 5 этапаў.

Першы этап "Тапанімічныя легенды" уключаў у сябе збор легенд і паданняў пра паходжанне назваў населеных пунктаў свайго рэгіёна. Падчас выканання заданняў другога этапу ("Сінявокая Беларусь"), неабходна было знайсці легенды пра паходжанне назваў рэк і азёр сваёй мясцовасці. Трэці этап "Святыні малой Радзімы" быў звязаны з пошукам легенд аб храмах сваёй мясцовасці і стварэннем фотаальбома абраных храмаў. Чацвёрты этап "Помнікі прыроды" прадугледжваў збор легенд, звязаных з помнікамі прыроды (камяні, дрэвы і г.д.) сваёй мясцовасці. Апошні этап пад назвай "Турыстычнае агенцтва запрашае ... ", быў самым адказным. Камандам неабходна было стварыць віртуальную карту - турыстычны маршрут па месцах, звязаных з легендамі малой радзімы, а таксама прадставіць медыяпрадукт з рэкламай свайго маршрута.

17 мая адбыўся вочны этап (фінал) праекта, які праходзіў на базе ДУА "Акадэмія паслядыпломнай адукацыі" у горадзе Мінску. Удзел у мерапрыемстве прынялі 12 каманд з розных рэгіёнаў Беларусі.

Каманды павінны былі прэзентаваць уласны турыстычны маршрут па сваёй малой радзіме.
Каманда "Спадчына" прадставіла свой турыстычны маршрут пад назвай "Вандроўка аднаго дня, або невялікае падарожжа па Іўеўшчыне". Маршрут уключаў у сабе 5 населеных пунктаў нашага раёна: Іўе, Жамыслаўль, Суботнікі, Геранёны і Ліпнішкі. Кожны з абраных пунктаў быў прадстаўлены гістарычнымі асобамі нашага рэгіёна: Іўе - княгіняй Евай, Жамыслаўль - графам Уладзіславам Умястоўскім, Суботнікі - графіняй Янінай Умястоўскай, Геранёны - прыгажуняй Барбарай Радзівіл, Ліпнішкі - дзяўчынай Ліпкай. Кожны з вобразаў удзельнікі каманды "Спадчына" увасобілі ў сваім выступленні, што, канешне, стала своеасаблівай "фішкай" нашай каманды.

Па рашэнні журы, наша каманда была прызнана пераможцай праекта і атрымала Дыплом 1 ступені!
Таксама каманда атрымала перамогу ў намінацыі "Лепшы віртуальны турыстычны маршрут" і была ўзнагароджана каштоўным падарункам.

А. Ваўчок,
настаўнік гісторыі
Лелюкінскага дзіцячага сада - сярэдняй школы.