Версия для печати
Размер
+
Фото
Печать

Літаратурны салон «Подыхам адзіным»

12 чэрвеня ў аддзеле абслугоўваня і інфармацыі ДУК «Іўеўская раённая бібліятэка» ў рамках арт-праекта «Тэрыторыя творчасці» адбыўся літаратурны салон «Подыхам адзіным».

Вядучая, Нехвядовіч Ірына Юр’еўна, пазнаёміла прысутных з таленавітай паэткай Аленай Іванаўнай Смалянічэнка.
 
Пра людзей мы мяркуем па справах, якія яны здзейснілі, па спадчыне, якую яны пакінулі сваім нашчадкам. Алена Іванаўна ‒ творчы, эмацыянальны, добразычлівы чалавек, гаваркая, заўсёды з добрай усмешкай на вуснах, апантаная, улюбёная ў сваю справу жанчына. Яна імкнецца зберагчы і прадоўжыць традыцыі па захаванню культуры роднага краю. Алена Іванаўна старанна вывучае, збірае, захоўвае і даносіць даведама ўсіх зацікаўленых людзей тое, што зберагла чалавечая памяць і мудрасць. Аб такіх людзях гавораць: “На іх зямля трымаецца”. На жаль іх вельмі мала, але, дзякуй богу, што такія ёсць.

Алена Іванаўна, чыя паэзія напоўнена лёгкім лірызмам і рамантыкай, чытала свае вершы пра прыроду, родны край, першае нясмелае каханне, а таксама пра любоў да маці, іншых родных і блізкіх людзей.
Вершы ў аўтарскім выкананні гучалі вельмі шчыра і выклікалі ў слухачоў шмат станоўчых пачуццяў, якія яны выражалі гучнымі апладысментамі.

У зале, дзе праходзіла сустрэча, была аформлена кніжная выстава “Пакуль усміхаецца дзень”, на якой былі размешчаны творы Алены Іванаўны.

Напрыканцы мерапрыемства супрацоўнікі бібліятэкі пажадалі Алене Іванаўне творчых поспехаў і новых твораў. Прысутныя атрымалі цудоўны настрой і душэўны ўздым ад лірычнага паэтычнага слова.

Вы можете найти эту страницу по следующему адресу:
http://ivje.gov.by/ru/ivje-news-ru/view/litaraturny-salon-podyxam-adzinym-5345-2018/

© Ивьевский районный исполнительный комитет, 2018
Разработка и поддержка сайта БЕЛТА