Афіцыйны сайт -
пераможца XVI конкурса
IНТЭРНЭТ - ПРЭМIЯ ТIБО-2018
Адрас райвыканкама:
231337, Гродзенская вобл.,
г. Іўе, пл. Камсамольская, 1
Электронная пошта:
rik@ivje.gov.by
Тэлефон: (8-01595) 2-17-46
Факс: (8-01595) 2-12-89

4 жніўня 2019

Гадзіна паэзіі “Іўеўшчына літаратурная”

Для таго, каб не страціць памяць аб сваіх пісьменніках і паэтах, трэба калі-нікалі вяртацца да іх творчасці, успамінаць іх саміх не толькі, калі гэтых людзей ужо няма, але і тады, калі яны яшчэ жывуць і прымнажаюць традыцыі, літаратуру і культуру.

У бібліятэцы-філіяле в. Старчаняты прайшла гадзіна паэзіі “Іўеўшчына літаратурная”, на якой бібліятэкар пазнаёміла прысутных з творчасцю паэтаў і землякоў.

У зборніку “Іўеўшчына літаратурная” змешчаны празаічныя і паэтычныя творы прафесіянальных і самабытных майстроў слова, якія пражываюць ці пражывалі на тэрыторыі Іўеўшчыны. Зборнік аздоблены карцінамі мясцовых мастакоў.

Прысутныя чыталі творы нашых землякоў, якія раскрываюць прыгажосць роднай зямлі, хараство і багацце чалавечых характараў, любоў да малой Радзімы.

Мерапрыемства нікога не пакінула абыякавым. Лірычная гадзіна кранула прысутных настолькі моцна, што некаторыя нават выходзячы з бібліятэкі працягвалі гаворку аб паэтах, іх вершах, пачуццях… Кранула людзей усё тое, што яны змаглі тут пачуць і даведацца…